قصيدة(جِبال الثَّلج) _____ كلماتي الشاعر ______ أشرف رسلان
- قصيدة(جِبال الثَّلج)
- كلماتي/أشرف رسلان
- ***************
- ياجبال الثلج دُووبي.
- فَتشي جوه ف درُوبي..
- نِفسي أحس بِدفء قَلبِك..
- أيوه مش سَأله ف كلامي ...
- مش كلامك.....
- إوعي تِنسي إني جَنبِك.
- ياجبال الثلج دُووبي.
- فَتشي جوه ف درُوبي
- دَه الشِّتا ......رَاح يِنْتِهي..
- وتِفضل وعُودي.
- يالا عِيشي جُوه قَلبي
- إشعريه إنه ف ربيع..
- وابعدي عَني الخريف .
- وإوقفي ف قلبي النِّزيف.
- دي الجراح زَادتْ وسَالت..
- ........كانها حَد سيف.
- اترُكيني في يوم
- أوصف مَلامحك..
- بل دعيني...
- ألمح الصدق ف عينيكي وف مشاعرك.
- ياجبال الثلج دُووبي.
- فَتشي جوه ف درُوبي
- دي السعادة في لُقاكي..
- نفسي مَااندَم لإختياري..
- ضحكتك إوعي تِداري..
- بَدلت لِيلي بنِهاري..
- ياجبال الثلج دُووبي.
- فَتشي جوه ف درُوبي
- حِسي بِيه..
- وإجعلي نَبضك مَعايه.
- دَه اللي طالبه ..
- إني أنسي في لُقاكي
- كل سهدي وأسايه.
- ياجبال الثلج دُووبي.
- فَتشي جوه ف درُوبي
- ثُوري مَره..
- حَسي بيه...
- إسألي عن أي شئ.
- إشعريني إني قُدامك بَرئ.
- وإلمحي طِيفك ف قلبي وف عِيوني
- إعرفي أسرار وجودي في وجودك
- ياجبال الثلج دُووبي.
- فَتشي جوه ف درُوبي
ليست هناك تعليقات:
إرسال تعليق