مليش إنى اسألك ==== بقلم الشاعر ===== طه الروبى
- مليش إنى اسألك
- قلبك أخباره إيه
- ولا مين سكنته فيه
- شيئ مايخصنيش
- واللى مايخصنيش مليش
- اسأل عليه
- مليش إنى اسألك
- مين إللى بتهتم بيه
- عشان دى رغبتك وحياتك
- ودنيتك
- ومش عايزك تقول عليا
- بيحشر نفسه ديما
- فى إللى ملهش فيه
- أنا برده كمان دا طبعى
- ما بحبش حد يسأل
- على مين شاغلى قلبى
- ولا مين بشتاق إليه
- انا عارف إيه حدودى
- وواقف عندها
- لا بزيد عنها ولا بنقص منها
- واللى ما يخصنيش بلاش
- اسأل عليه
- مليش إنى اسألك
- ولا اسبب ليك حرج
- خليك فى إللى انت فيه
- من إبداعات
- الشاعر
- طه الروبى
ليست هناك تعليقات:
إرسال تعليق