( سبورة حياتي ) ==== بقلم الشاعر ===== عصام الباز
- ( سبورة حياتي )
- قسمتها لأقسام
- من غير مسطرة
- بدون أقلام
- في كل قسم سنين
- وأرقام شمال ويمين
- لكل سنة أحداث
- وبشر غاليين ورخاص
- ولكل حدث عنوان
- استخدمت فيه الألوان
- كتبت عن ميلادي
- بالهجري وبالميلادي
- كتبت عن طفولتي
- وكتبت عن بطولتي
- شوية ورن الجرس
- حسيت في بطني بمغص
- فاتت حصة وحصتين
- قولت آخدلي لفتين
- أسيب لغيري فرصة
- وأنا أشوفلي بورصة
- رجعت لسبورتي تاني
- أفتكر سنيني تاني
- راجعت على إل فات
- استعرضت الذكريات
- ومن تاني بدأت
- اكتب عن إل باقي
- رسمت خطوط جبهتي
- خطوط ومتعرجة
- أصلية ومتفرنجة
- وصفت شعري الأبيض
- وقلب قالوا ابيض
- عديت مزايا كتير
- وخطايا تملأ بير
- لكن الجرس ضرب
- وكل جسمي اضطراب
- عرفت إن دي النهاية
- قولت كفاية الشرح
- وأبدأ أداوي الجرح
- مبقاش فيه إضافات
- أصل إل جاي بالطرح
- عصام الباز
ليست هناك تعليقات:
إرسال تعليق