بسط السلاطين ==== بقلم الشاعر ===== احمد الحلي
- الشاعر احمد الحلي
- بسط السلاطين
- **********
- يا ديك يا ديك ..اكلك عجب
- جاى بالفريك اصفر دهب
- حاشيه دجاج .تعمل مزاج
- مخصوص عشان ..صاحب المقام
- سلاطات كتير .رصات فطير
- للأنسجام
- ده الليله هيكون الكلام
- عن جوع بلدنا وفقرنا
- ****
- سلطاننا مبسوط بالفطار
- مطلوب كمان حبه هزار
- ونعنشه
- اصل المزاج الحلو محتاج ..فرفشه
- والحلو فوقه مكسرات
- مطحونه مش متقرمشه
- اصل الملوك لازم تكون
- رايقه فى وقت الدودشه
- واحنا فى قلب السلطنه
- بطوننا شبعت …خروشه
- ****
- سلطاننا مبسوط بالغدا
- وأمر بتوزيع الطعام
- على كل من يملك أسد
- متربى وسط المزرعه
- والضحك كان بعد الركب
- من ناس فقيره وناس (ركب)
- متعلقين زى الرطب
- والجلادين……
- خلوا الجلود تسقط قطف
- اكلوها قبل المحرومين
- من غير سوى
- ******
- سلطاننا مبسوط بالعشا
- طالب بخور ودروشه
- ودجالين ومداحين
- حواه وحبه اراجوزات
- وبالونات
- وحاجات لزوم الفرقعه
- للساده رواد البلاط
- علشان دماغ الأنبساط
- ******
- الوقت فات
- والحلم مات
- مافضلش غير بس الموات
- يحصد فى قلب الميتين
ليست هناك تعليقات:
إرسال تعليق