البحار ==== بقلم الشاعر ===== رمضان العلالقة
- البحار
- ~~~
- عايم بين أمواج و مواجع
- لما بئن محدش سامع
- عومت في بحر الليل كركبني
- و انت سايبني
- كأني بعوم من غير طرافين
- راكب موج في الليل بحار
- غير بحر الشوق في عينيا
- كل شوية بضم اللوم
- و اهرب جوه
- في نفسي و روحي
- أدخل قلبي و اجيب أسباب
- و ادق أوتاد
- أثبت خيمة في نص البحر
- و احسب حسبة بألف حساب
- يترى يا بكرة
- بتخفي في إيه ؟
- و لا امبارح كان فيه نوهة
- جت بالقوة
- و الريح يقلب بين شطين
- يترى يا بحر لفين هتخدني
- بقرا كلام مجهول في عيونك
- يطلع يومك
- مشتال حتى في كف الهم
- إسأل نفسك
- إيه كان ذنبني ؟
- لما النبض يدق في قلبي
- كنت بدوب من نظرة شوق
- و انت السحر في عيني تملي
- كنت بخلي المركب يكسر
- أكبر موجة في نص الليل
- و اسبح لما يقرب شطك
- عهد بحطك جوه عيوني
- حتى في روحي
- تقفل بابك
- من شباكك
- أجمل نسمة بتدخل ليا
- كنت بوقر حتي أصحابك
- بس دا كله معدش يفيد
- أيوه معدش ما بينا جديد
- بعد ما تاه الشوق في عيونك
- و نسيت حد اللهفة جنونك
- طفيت نار الشوق م البرد
- مبقاش ود بينفخ فيها
- و يخليها جحيم مشتاق
- حتى الرعد
- غير كل طقوس في الكون
- و السيل يهدر
- يخفي معالم كانت
- أجمل شيء في حياتي
- و البحار هيغير وجهة
- أصل الريح وياك متجهة
- في كل مسار
- رحلة عمري معاك مش سهلة
- فيها دمار القب الحي
- ~~~~~~~~~~~
- بقلم / رمضان العلالقة
ليست هناك تعليقات:
إرسال تعليق