(( اسير السرير )) ==== بقلم الشاعر ===== _ابراهيم_دعبس
- (( اسير السرير ))
- ( صديق بيعزمني علي مصيف فرديت عليه بهذة الابيات )
- لاوضتي قلبي اسير
- اسيبها كيف و اسير
- مبحبش المشاوير
- اصلا ما بخرجشي
- تقيل انا وبطيئ
- و للخروج مابطيق
- ك طائر البطريق
- طائر مابيطيرشي
- تلاقيني ماسك تاب
- ومرمي جنب دولاب
- كسلي ونا اصحاب
- عشرة ما اقولكشي
- سريري احلي مكان
- صاحي او نعسان
- عشرة بقالها زمان
- عليا ما تهونشي
- و أخرج طيب ليه
- و اصرفلي الف جنيه
- سريري حلو يا بيه
- حالف ماسيبوهشي
- #الشاعر_ابراهيم_دعبس
ليست هناك تعليقات:
إرسال تعليق