ساعة العصارى ==== بقلم الشاعر ===== عونى هشام
- ساعة العصارى
- =========== عونى هشام
- على القهوه بفنجان شاى
- لقيت الحرف رايح جاى
- وكنت بشوفه بالعافيه
- كان الحبر من فكرى
- وشفت لسانى قام يجرى
- مسك فى بحر مع قافيه
- لف دماغى فى المواضيع
- تهت وكنت انا رح اضيع
- لو هاكشف امور خافيه
- حروفى جايبها م الشارع
- كانت على قهوه بتصارع
- عقول فى نظرى كات حافيه
- افكارهم جابوها منين
- بيعكوا ف اصول الدين
- ياعم الفتوه مش عافيه
- فى ايده الشيشه طول مترين
- ولحيه كمان تقول شبرين
- ويفتى بنيه مش صافيه
- وواحد تانى فى سياسه
- كلامه كله فيه خباثه
- وكل ردوده مش شافيه
- زرع مكرونه فى البساتينن
- حصد شعريه فى امبابه
- وفى غلابه قالت ! عافيه
- وشاب بدل الشهاده اتنين
- تشوفه بصحه يغزى العين
- يعد الناس راحه وجايه
- عايز مكتب وعربيه
- واخر الشهر له ماهيه
- ولو جابها ماهيش كافيه
- شفت احوالى واحوالهم
- كتبت بكل اقلامهم
- لقيت عينى راحت باكيه
- سيبت الشاى ع القهوه
- سحبت نفسى على سهوه
- ونسيت الشعر والقافيه
- ===============
- #عونى_هشام
ليست هناك تعليقات:
إرسال تعليق