تفتكرنى ليك هطاطى. ******** بقلم الشاعر طه الروبى *********
- تفتكرنى ليك هطاطى
- مهما كات ظروف
- حياتى
- صعبة او متكعبلة
- مهما كان حجم معاناتى
- ولا الظروف متنيلة
- الحياة يوم ويوم
- صعب أى حال يدوم
- يوم سلامة يوم مشكلة
- وفى كل وقت بحالى راضى
- تفتكرنى ليك هطاطى
- وأبان ضعيف
- ولا هعيش زمن الخريف
- هيجى يوم وهتنتهى فيه
- الصعاب
- هيجى يوم هيقل فيه
- ألم المصاب
- وهترجع حياتى لوضعها
- زى قبل المشكلة
- تفتكرنى ليك هطاطى
- جوا مني إيمان كبير
- كل صعب هيفوت يعدى
- وفعلى بكره هيبقى ردى
- من غير مذلة ولا مسكنة
- عمرى ليك مهامد يدى
- وكل يوم هزيد فى عندى
- ليها فايدة البهدلة
- من إبداعات
- الشاعر
- طه الروبى
ليست هناك تعليقات:
إرسال تعليق