*& ملحمة أم الدنيا ... مصر الدنيا ( 43 )&* غمّض عينيك ..... واحلم معايا ....! & الجزء الثالث والأربعون & كلمات أحمد عبد اللطيف النجار شاعر أم الدني

• *& ملحمة أم الدنيا ... مصر الدنيا ( 43 )&*
• غمّض عينيك ..... واحلم معايا ....!
• & الجزء الثالث والأربعون &
• كلمات 
• أحمد عبد اللطيف النجار 
• شاعر أم الدنيا
• &&& مصر والعرب سنة 6000 ميلادية &&&
• واصل المصريين العظماء في نهاية الألفية السادسة سنة 6000 ميلادية ، تدفقهم بالملايين إلي جميع البلدان العربية والأفريقية ، ينشرون الخير والنماء في كل مكان .
• وعندما أقول أن المصري يعمل في تلك الدول ، أعني أننا وطن عربي واحد ، عقيدتنا واحدة ، دمنا واحد ، لا فرق بين مصري وسوري وليبي وسعودي وعراقي وقطرى !
• كلنا أمة عربية وأفريقية واحدة متحدين ومتعاونين إن شاء الله .
• في ذلك القرن أرسلت أم الدنيا أولادها وأحفادها الفراعين إلي القارة الأفريقية للعمل فيها ونشر العمار في صحاريها القاحلة .
• ــــ هيا لنعرف ماذا فعل المصريين في أفريقيا الخضراء؟ 
• ــــــــــــــــــــــــــــــــــــــــــــــــــــــــــــــــــــــــــــــــــــــــــ
• سادس دفعة من الفراعين ...
• راحت عند أختنا سودانية ...
• عندها صحرا ما لها حدود ...
• كلها تهريب وأذية ...
• وكمان درب الأربعين ...
• كله أفاعي وثعابين ...
• هجم عليه المصريين ...
• أعدادهم كانت ملايين ...
• نهر النيل قال ....
• عيب يا أولادي ...
• إن يجوع شعب الوادي ...
• وتقولوا لبعض آسفين ...
• الأرض عند أختكم سودانية ...
• خصبة في الزرع وعافية ...
• ازرعوها بكد عرقكم ...
• تطرح بأنفاسكم رياحين ...
• ونقول للمجاعة وداع ...
• وكفاية حروب وصراع ...
• بين الخرطوم والجنوبيين ...
• أرض السودان غالية علينا ...
• وادي النيل ستر لأهالينا ...
• سودانيين ومصريين ...
• وكل مشاكلكم محلولة ...
• لو كانت النية معقولة ...
• يبقي فلاحكم دنيا ودين ...
• يبقي فلاحكم دنيا ودين ...!
• ــــــــــــــــــــــــــــــــــــــــــــ
• سابع دفعة من الفراعين ...
• راحت دوغري السنغال ...
• وجدت شعب واعي كتير ..
• صحته حلوة وعال العال ...
• سألت أم الدنيا عليهم ...
• قالوا شعبنا واعي وفاهم ...
• لو نام هايشوف أهوال ...
• طلبوا من المصريين ...
• يزرعوا صحاريهم بأيديهم..
• موز وبندق وبرتقال ...
• الأرض عالية خصوبتها ...
• ومعادن جوا تربتها ...
• خلّت أشجارها تتكلم ...
• تطرح فاكهة حلوة زلال ..
• الصحرا نطقت يا حبايبي ..
• المصري أبو الأبطال ...
• خليه يعمّر صحاريكم ...
• تبقي مكان لأهاليكم ...
• مهما يقولوا من أقوال ...
• أم الدنيا حبيبة قلبي ...
• لما ننادي هيا تلبي ...
• كل أفريقيا والسنغال ...
• كل أفريقيا والسنغال ...
• ــــــــــــــــــــــــــــــــــــــــــ
• ثامن دفعة من الفراعين ...
• راحت عند أختنا صومالية ...
• وجدت بوكو حرام عملها ...
• معركة جامدة ومأساوية ...
• سألت ام الدنيا عليهم ...
• قالوا جماعة إرهابية ...
• عايشة تهدم في الصومال ..
• مع داعش عاملة اتفاقية ...
• ام الدنيا قالت لا ...
• لازم أنقذ صومالية ...
• جمعت إطراف الصراع ...
• وجدت بوكو حرام ملتاع ...
• حالف يقلبها دموية ...!
• هجم عليهم المصريين ...
• بعزيمة جامدة ما تلين ...
• بوكو حرام قام سلّم دوغري ...
• قال أنا آسف وحزين ...
• أرض بلادي صومال الغالية ...
• احميها من الشياطين ...
• راحت بوكو حرام الصحرا ...
• تزرعها مع الفراعين ...
• قالت ماما أم الدنيا ...
• إحنا في أحضانك قاعدين ...
• عشان نتربي من الأول ...
• للتربية كتير ناسيين ...
• نتعلم حب الأوطان ...
• ونحوش عنها جراح وأنين ...
• شكرا ، شكرا أم الدنيا ...
• أم كل المصريين ...
• أم كل المصريين ...
• ــــــــــــــــــــــــــــــــــــــــــ
• تاسع دفعة من الفراعين ...
• رحت لأختنا نيجيرية ...
• شافت فيها تقدم هايل ...
• في الفنون السينمائية ...
• سألت إيه أخبار أراضيها ..؟
• قالوا فيها زراعة حقيقية ...
• وتقدم هايل في صناعة ...
• وماء ثقيل للنووية ...
• صحاريها واسعة جدا خالص ...
• محتاجة أيادي مصرية ...
• هجم المصريين علي الصحرا ..
• صارت خضرا ووردية ...
• زرعوا فيها محاصيل هايلة ..
• بتخطيط واستراتيجية ...
• أصبح قمحهم الأول ...
• في الأمة الأفريقانية ...
• وكمان قالوا نصدر منه ...
• لأجل العملة الأمريكانية ..
• وصارت نيجيريا واحة ...
• بايدين خضرا مصرية ...
• بايدين خضرا مصرية ...!
• ـــــــــــــــــــــــــــــــــــــــــــ
• عاشر دفعة من الفراعين ..
• راحت عند اختنا تشادية ...
• شافت فيها حاجة غريبة ...
• لسه فيها يا ناس عبودية ...
• العبيد في ارض تشاد ...
• فكروني بالجاهلية ...
• وإحنا في الألفية السادسة ...
• اصحي يا امة افريقانية ...
• ام الدنيا قالت عيب ...
• ضمي ولادك يا تشادية ...
• كلهم يبقوا في أحضانك ....
• زي المشط كدة سواسية ...
• عندك صحرا مش ليها حد ...
• عايزة رجال حقيقية بجد ....
• والفراعين صادقين في النية ...
• عايزين شعبك كله رجال ...
• مش عبيد عايشة في أوحال ...
• وكمان في مجاعة غذائية ...
• أرض تشاد أرض الخيرات ...
• شعبها ناقصة كل حاجات ...
• عايش يا عيوني في متاهات ..
• الفراعين يحموكي يا صبية ...
• يزرعوا أرضك بركة وخير ...
• شعبك عمره ما يقي أسير ...
• ويكسر قيد العبودية ....
• يتوكل علي المولي في عمله ...
• يزرع ويرعى في غيطه وجمله ...
• لأجل عيون حلوة تشادية ...
• تشادية قالت يا سلام ...
• علي أم الدنيا يا سلام ...
• حقيقي كلها حنية ...
• بتحب أخواتها في أفريقيا ...
• وتدافع عنهم بشهامة ...
• وقت الشدة صلبة قوية ...
• وقت الشدة صلبة قوية ...
• وقت الشدة صلبة قوية ...!
• ــــــــــــــــــــــــــــــــــــــــــــــــــــــــــــــــــــــ
• أحمد عبد اللطيف النجار 
• شاعر أم الدنيا