كل الوجوه بتررسم ..==== بقلم الشاعر ===== محمود سميح
- كل الوجوه بتررسم ..
- من غير حياه..
- وكل ضحكة بتترسم..
- جواها آآآآآآآآآه..
- ليه الحياه حلوه..
- ومرها واصل لمنتهاه..
- ****
- يله نمد الضحكة..
- نقول الفكرة..
- نحلم ببكره..
- وبكره جاى بطوق نجاه..
- ****
- يله ندوب فى السكه
- بخطوة طموح..
- وخطوه تروح..
- وخطوه تيجى بحلمنا..
- وخطوة سعادة وأمنيه..
- ونمشى مشوار الحياه..
- ****
- يله نعدى النار..
- نكمل المشوار..
- هيكمل بحب..
- وفرحة صافيه..
- طلعه من القلب..
- وفرحته.. أسلوب حياه..
- ****
- يله نمد الايد لبعضنا..
- نجمع قلوبنا فى أرضنا..
- هننصف المظلوم..
- ونقرب المحروم..
- دا اللى خرج برانا تاه..
- ****
- يله نعيش الحلم بقسوته..
- وبرقته.. وفرحته..
- ونحققه.. فى كل حته..
- فى كل ألوان الحياه..
- ****
- يله نعدى الجسور..
- وكل سور جوانا نور..
- من ليل غميق..
- لنور الصبح .. نور
- وصباح مليان عطور..
- يله ندوق طعم الحياه..
- ****
- يلا بلون هادى..
- وكل زهرة من وادى..
- زهرة نجاح.. زهرة فلاح..
- زهرة محبة ونور وجاه..
- ****
- حلوة وجميلة يا دنيتى..
- يا وردة حلوه.. جواكى غنوه..
- أولها آآآآآآه.. وأخرها آآآآآآآه
- لاكن جميله .. ولون حياه..
- *****
- لون حياه.. كلمات محمود سميح
ليست هناك تعليقات:
إرسال تعليق