دفتر التوفير ==== بقلم الشاعر ===== حسن الشوان _
- ____________________ دفتر التوفير __________
- من قلب الفقر كلامي
- وانا أصل الأصل فقيير
- بكمل نومي بأحلامي
- ونومةالفرشة غير السرير
- عمري ما أشتكيت أعوامي
- ورضا ربنا عليا يسير
- والإيمان نوره قدامي
- والضحكه ع وشي نور
- والنسمة معطره أكمامي
- وليا حدود في التفكير
- متفرقش معايا ألامي
- ولا الخيش من الحرير
- طول عمري في أوهامي
- مشفش فيران وصراير
- اللي بيشاركوني أيامي
- وبيشتكوني من التقصير
- الأكل على قد الأسامي
- ومنين أجيب التبذير
- وإللي يفيض من طعامي
- أشيله في دفتر التوفير
- واللي يسرق حقي حرامي
- وحسابه عند ربنا عسير
- وعمري ما كنت إنهزامي
- واللي عند ربنا كتير
- ومخافش إلا من إستسلامي
- وعمري ما أكون للظلم أجير
- ____________________________________
- __________ الشاعر حسن الشوان _________
ليست هناك تعليقات:
إرسال تعليق