سيبك مني ==== بقلم الشاعر ===== رمضان العلالقة
- سيبك مني
- ~~~~~
- متسيبك مني
- و انساني يا أبو وش بريء
- و لا أنت بس بتتريق
- و فاكرني غريق ؟
- منك مليت يا بريء و سلام
- و لا عدش كلام يجمع بينا
- و لا مينا في بحر توصلنا
- دا حقيقي يا سكر مش أكتر
- خليك متكدر بمصيرك
- و بشوف الوجه المستبشر
- يضحك و يهزر ما يكشر
- بتخيل نفسي في جنينة
- و معايا عيال
- اسكت يا محمد ما تهزر
- معلش يا باسم ما تكسر
- اوعاكم ماما تصحوها
- خلوها تنام
- دي بتتعب جدا .... بتريح
- هتنام و الصبح تفطركم
- بحنان الروح
- ع العصر حبيابي تغديكم
- بجمال فتان
- و المغرب يدن نتعشا
- ببراءة و ذوق
- بهدوء و تناموا ف سرايركم
- و سبوني اتٱمل في عيونها
- و مجرد م ألمح شفايفها
- راح أتوه في الحال
- بجمال السحر الرباني
- دا لإني معاها بلأني
- أجدع إنسان
- مبسوط و تملي متفائل
- برسم ضحكاية و تفضلي
- ملبسش الحق في الباطل
- و اتمرج على حبل النار
- ٱااااه يا دمااااااااااغي .....
- معرفش بفكر بسذاجة
- على شان مسرور
- دي السهرة تملي محتاجة
- أتذكر ماضي بيجرح
- بغرام مغلوط
- مهو برضه أكيد
- تفضل داير على كل أبواب
- من حضن لحضن
- في عذاب و فراق
- غضبان متعصب و بتكتب
- طب رد الووووووووووو ؟
- بتقولي بطنش و تملي بصد ؟
- لساك مجنون و تشك في حد
- بتغير يا خفيف ؟
- بتفكر فيا و بتعيط
- و تقول إدمان حيران و بجد ؟
- طب ليه بتمثل
- ببراعة و كتير أحزان
- و عملني في أيدك شماعة
- و تقول غلطان ؟
- بتفكر لسة و متضايق
- تعبان و بتندم ع الإخلاص ؟
- طب م أنت دبحته بسكينة
- و لا رف جناح
- دا أنا شلت الهم المتلتل
- من صبري بعبي و بحشر
- تلاجة بخار
- جمدت العمر اللي اتكركب
- و لا فيش إحساس
- أهو أصبح حلمي معاك ميت
- عايش أيامي على كيفي
- بتخيل بس في تكتيفي
- بحبال الود
- قال يعني عهودك بتصونها
- بتموت نفسك ما تخونها
- يا بريء الكدب أطول منك
- قيراطين و أشبار
- يا أخي أوووووف أمال
- ده يبقى محال
- مش ممكن بكره يغيب عنا
- بأمال الدنيا يغازلنا
- م انا قلت بفكر بعواطفي
- و لا أنت نسيت ؟
- و أديني صحيت أكبر غلطة
- و فهمت كابوووس
- بقيت عفريت مبكلش كلام
- دا أنت أنوطى
- طب قولي أزاي
- عشش قلبك بغرام يا حنون
- دول ناس بالكوم .. و كمان زعلان ؟
- ~~~~~~~~~~~~~~
- بقلم / رمضان العلالقة
ليست هناك تعليقات:
إرسال تعليق