فى الحلم لسه انا برسمك ==== بقلم الشاعرة ===== مايسه العشى
- فى الحلم لسه انا برسمك
- عصفور ونور
- وانقش ملامح حلمنا
- فوق السطور
- واتصورك
- ملاك وحارس حبنا
- وانك قمر بنوشوشه
- وقت اللقاء
- بلاقيك فى نبضى بتنعشه
- ترسم حياه
- وفى لحظه تانيه تضمنى
- كطفل تاه
- ولحضن دافى تشدنى
- ألقاك انا ونس الحياه
- وانسى بروحك
- دمعتي وكتير حاجات
- من جوه روحك
- يتخلق حلمي اللي مات
- حلمي اللي كان وهم وفضا
- حييته انت بنظرتك
- وكنت لى ستر وغطا
- وفرح وحنين
- مخلوقه انا من ضلع فيك
- مخلوقه روحي ودنييي
- من نور عنيك
- وبحن لك واشتاق اليك
- وارسم ف روحك بسمتى
- ياللي انت عاشق سكتي
- عشقك لقلبي يكمله
- عشقي لعنيك
- مايسه العشى
ليست هناك تعليقات:
إرسال تعليق