بحسبها ملاك ==== بقلم الشاعر ===== احمد صبري
- بحسبها ملاك
- احمد صبري
- -
- بحسبها ملاك مش جنية
- فرحتي في دنيتي ديا
- ماعرفشي إني مابعرفشي
- اْخلي بالي حتى عليا
- صدقت انا كل ماقالت
- فكرتها حنت مالت
- ماعرفشي إنها هتمشي
- وف قلبها حطت شالت
- -
- بحسبها ملاك مش بتهزر
- واخداها لعب على تسالي
- وفضلت اْسهر وباْفكر
- إني عليها عزيز غالي
- اْتاريني فاكر إللي ناسيني
- كاْني مضروب على عيني
- مخدوع واْشواقي عمياني
- مستني حاجة مش هتجيني
- وطلعت مش فاهم حاجة
- الوصف طيبة على سذاجة
- وإللي إشتريتها ووحبيتها
- طلعت كده مش محتاجة
- -
- بحسبها ملاك ولقيت فيها
- جمال مايخطرش ف بالي
- وحاجات كتير بحلم بيها
- اْوهام ومن صنع خيالي
- مخدوع وكنت مصدقها
- سحراني وكمان بعشقها
- ضحكت عليا وحضنتني
- بعدين سابتني ولا هاممها
- تحب ياما ولا شوية
- اْخرتها ذكرى واْغنية
- لواحدة كنت انا بحسبها
- ملاك وطلعت جنية
ليست هناك تعليقات:
إرسال تعليق